રાખનાં રમકડાં - અવિનાશ વ્યાસ.
July 28, 2006
અવિનાશ વ્યાસ. ( 21-07-1911 : 20-08-1984 )
રાખનાં રમકડાં,
મારા રામે રમતાં રાખ્યાં રે;
મૃત્યુલોકની માટી માથે માનવ કહીને ભાખ્યાં રે.
… રાખનાં રમકડાં.
બોલે ડોલે રોજ રમકડાં, નિત નિત રમત્યું માંડે,
આ મારું આ તારું કહીને એકબીજાને ભાંડે રે.
… રાખનાં રમકડાં.
હે…કાચી માટીની કાયા માથે
માયા કેરા રંગ લગાયા.
ઢીંગલા ઢીંગલીએ ઘર માંડ્યાં, ત્યાં તો વીંઝણલા વીંઝાયા રે !
… રાખનાં રમકડાં.
અંત અનંતનો તંત ન તૂટ્યો, ને રમત અધૂરી રહી,
તનડા ને મનડાની વાતો આવી તેવી ગઇ !
… રાખનાં રમકડાં.
Entry Filed under: કવિતા. .
3 Comments Add your own
Leave a Comment
Some HTML allowed:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>
Trackback this post | Subscribe to the comments via RSS Feed
1.
shivshiva | July 29, 2006 at 11:49 am
અમારા જમાનામાં આ ગીતે ધૂમ મચાવી હતી.
નીલા
2.
manvant | August 4, 2006 at 8:33 pm
રાખનાં રમકડાં માનવી ! અંત કે અનંત ?
કાચી માટીની કાયા ! માયાનો રંગ !
રમકડાં ! અધૂરી રમત્યું ! વાહ અવિનાશ !
શિવશિવ ” નીલાબહેન” છે તેની હવે ખબર પડી.
મંગળફેરા અને ગુણસુંદરી યાદ આવ્યાં ને ?
અને અલબેલા?મેંદી રંગ લાગ્યો ?આભાર !
3.
SV | August 6, 2006 at 5:55 pm
Was looking for a complete version. Thanks for posting.