સાહેબ હુકમ કરે કે આવું - મહેશ દવે.
સાહેબ હુકમ કરે કે આવું
આરણ-કારણ કાંઇ ન જાણું
ક્યાંય પછી નહીં જાઉં
સાહેબ હુકમ કરે કે આવું
મારા મનનું કાંઇ ન ચાલે
કોરે કાગળ સહી
સાહેબના અણસારે મારી
હોડી જળમાં વહી
નાવિક મારો કહે એ લયમાં
ગીત મારું હું ગાઉં
સઘળું તેને સોંપી દઇને
કામ બધાં દઉં છોડી
મેં તો મારી પ્રીત સદાયે
સાહેબ સાથે જોડી
વહેણ હોય કે પૂર હોય
પણ નહીં કદી મૂંઝાઉં
સાહેબ હુકમ કરે કે આવું.
3 comments August 26, 2006
