અમીઝરણું…

આ  તનરંગ  પતંગ  સરીખો,  જાતાં  વાર  ન  લાગે  જી;
અસંખ્ય  ગયા  ધનસંપત્તિ  મેલી,  તારી  નજરું  આગે  જી.

અંગે  તેલફુલેલ  લગાવે,  માથે  છોગાં  ઘાલે  જી;
જોબન - ધનનું - જોર  જણાવે,  છાતી  કાઢી  ચાલે  જી.

જેમ  ઉંદરડે  દારૂ  પીધો,  મસ્તાનો  થઇ  ડોલે  જી;
મગરૂરીમાં  અંગ  મરોડે,  જેમતેમ  મુખથી  બોલે  છે.

મનમાં  જાણે  મુજ  સરીખો,  રસિયો  નહીં  કોઇ  રાગી  જી;
બહારે  તાકી  રહી  બિલાડી,  લેતાં  વાર  ન  લાગે  જી.

આજકાલમાં  હું - તું  કરતાં,  જમડા  પકડી  જાશે  જી;
બ્રહ્માનંદ  કહે,  ચેત  અજ્ઞાની,  અંતે  ફજેતી  થાશે  જી.