Archive for September 17, 2006

ભથવારીનું ગીત – કૃષ્ણલાલ શ્રીધરાણી.

ગોધણ – ઘણીની  ભથવારી  રે,
         હું  ગોધણ – ધણીની  ભથવારી;
આંબો  ને  હું  પ્રેમ – ક્યારી  રે,
         પતિ  આંબો  ને હું  પ્રેમ – ક્યારી.

સેંથડે  સિંદૂર  :  પ્રેમનાં  આંજણ
         આંજ્યાં  આંખે  મતવારી;
ઢેલડી  જેવી  હું  થનગન  નાચું,
         આવને  મોરલા  રબારી  રે….. હું…

રૂમઝૂમ  રૂમઝૂમ  ઝાંઝર  ઝમકે,
         ભાલે  શી  સ્નેહની  સિતારી;
ખેતર  ખૂંદી  કંથ  થાકીને  આવે,
         દેખે  ત્યાં  થાક  દે  વિસારી  રે….. હું…

હળવે  ઉતારી  ભાત  મહીડાં  પીરસું,
         ફૂલડાંની  પાથરું  પથારી;
કંથડને  કાજ  ઘર  રેઢું  મૂકીને
         આવું  સીમે  દોડી  દોડી  રે….. હું…

વા’લમને  છોગલે  ગૂંથું  ચંબેલડી
         પીંછાં  ગૂંથું  હું  સમારી;
જોઇ  જોઇને  એ  મુખ  રળિયામણું,
         હૈયામાં  ઉડતી  ફુવારી  રે….. હું…

September 17, 2006 at 10:24 pm 4 comments


મને ગમતાં કાવ્યોનું અમી ઝરણું

મિત્રગણ

  • 185,300 અમીનજરું

દિવસવાર ટપાલ

September 2006
M T W T F S S
« Aug   Oct »
 123
45678910
11121314151617
18192021222324
252627282930  

Follow

Get every new post delivered to your Inbox.

Join 44 other followers