ફૂલોને - મનસુખલાલ ઝવેરી.
October 2, 2006
મનસુખલાલ ઝવેરી ( 03-10-1907 :: 27-08-1981 )
તમને નિહાળ્યાં છે મેં વેણીમાં વનિતા તણી
ઘરની ફૂલદાનીમાં, બાલાના કરકંકણે
નિહાળ્યાં છે દુકાનોમાં શહેરોની, જહીં તમે
તાજેતાજાં છતાં જાણે દીસતાં સાવ કૃત્રિમ.
કન્યાની કેસરી કાયે, નવયૌવનની ધરી
ખુમારી, ડોલતાં દીઠાં પણ મેં તમને કદી.
નિહાળ્યાં આથમતી રાતે તમને ચીમળાયલાં
સાક્ષી સુભગ સ્વપ્નોની વધૂની સુખસેજમાં.
કૃષ્ણના કંઠમાં નિહાળ્યાં, નિહાળ્યાં છે શિવને શિરે,
નિહાળ્યાં શિશુકરે એનું ઝીલતાં હાસ્ય નિર્મળ.
નિહાળ્યાં ચાદરરૂપે મેં કાયાએ માનવ તણી,
જતું જીવનમાં વામી ક્લેશો જે ધામ અન્તિમે
પણ સાચું કહું ? શોભ્યાં તમે એવું કદી નથી,
શોભો છો જેવું વૃક્ષોની ડાળીએ ઝૂલતાં તમે.
Entry Filed under: કવિતા. .
4 Comments Add your own
Leave a Comment
Some HTML allowed:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>
Trackback this post | Subscribe to the comments via RSS Feed
1.
manvant | October 3, 2006 at 6:54 am
વાહ અમિતત્ભાઈ ! સુંદર કૃતિ છે.
2.
nilam doshi | October 3, 2006 at 11:39 am
બનાવટી ફૂલોને કવિયાદ આવી ગઇ.
“તમારે રંગો છે અને આકારો છે,
કલાકારે દીધો તમ સમીપ આનંદકણ છે
……
ન જાણો નિન્દુ છું,
પરંતુ પૂછુ છું,
તમારા હૈયાના ગહન મહી યે આવું વસતુ
દિનાંતે આજે તો સકલ નિજ આપી ઝરી જવું?
પ્રહલાદ પારેખ.(મારી પ્રિય કવિતા)
3.
સુરેશ જાની | October 3, 2006 at 7:43 pm
ભલે તેમ હોય .
પણ જ્યારે તારા ગળામાં ફૂલ હાર અને હાથમાં શ્રીફળ હશે ત્યારે તે ફૂલ વધારે મહેંકી ઓઠશે .
4.
shivshiva | October 11, 2006 at 9:43 am
સુરેશભાઈની વાત સાચી છે