વાણિજ્ય પ્રેમ – અજ્ઞાત

મને થતું હતું કે તું મને પ્રેમ કરીશ !
         તેની મે મારા દિલમાં આમનોંધ કરી.
તારી એક એક તીરછી નજરની,
         મારા દિલમાં ખતવણી કરી.

પણ તું બીજા સાથે ફરવા લાગી,
         તેની મે પેટાનોંધ કરી.
તારા પ્રેમમાં મે મે મારી ઘણી મૂડી રોકી,
         તે મારી ભૂલ થઇ, તેની મે ભૂલ સુધારણા કરી.

તારા પ્રેમપત્રના ખર્ચા પૂરા કરવા,
         મે મારી બેંક સિલક ઘટાડી.
તારા પ્રેમમાં વધારો ઘટાડો થતો હોવાં છતાં,
         મે મારા રોકાણોમાં વધઘટ ન કરી.

તારા ધાલખાધ જેવા પ્રેમ સાથે,
         મે ધાલખાધ અનામતની જોગવાઇ કરી.
તારા પ્રેમમાં બળી ગયો, તો પણ,
         વીમા કંપનીએ અરજી પણ મંજુર ના કરી.

હવે ખબર પડી કે તારા પ્રેમરૂપી વેપારમાં,
         મે તો ખોટ જ ખોટ કરી.
તારા એક તરફી પ્રેમમાં મે પગપેસારો કર્યો,
         છેવટે ખબર પડી મે તો બસ, ઘસારો જ ઘસારો કર્યો.