મૌન - ડૉ. નીલેશ રાણા.
મૌન કહો તો એક શબ્દ છે : આમ જુઓ તો વાણી.
આભથી જુઓ બરફ પડે છે ને પળમાં વહેતું પાણી.
જળની કુંડળી પરપોટામાં
શાને જાય સમાઇ ?
પથ્થરમાંથી ઝરણું ક્યાંથી
પ્રકટે એ જ નવાઇ ?
નદી, સરોવર, સમદર, જળની જૂજવી હોય કહાણી.
મૌન કહો તો એક શબ્દ છે : આમ જુઓ તો વાણી.
રેતી પર એક નામ લખું
રે ! પવન ભૂંસાતો જાય,
જળમાં તારું નામ લખું તો
તરંગમાં લહેરાય !
રહસ્ય પછી આ જિંદગી જોને બેઠી ઘૂંઘટ તાણી.
મૌન કહો તો એક શબ્દ છે : આમ જુઓ તો વાણી.
6 comments October 8, 2006
