હું તો પરણી – મીરાં.
November 17, 2006 at 8:55 pm 3 comments
હું તો પરણી મારા પ્રીતમની સંગાથ,
વ્હાલમજી, હું તો પરણી મારા પ્રીતમની સંગાથ,
બીજાનાં મીંઢણ નહિ રે બાંધુ…..હું તો પરણી…
ચારે ચારે જુગની વ્હાલે, ચોરીઓ ચિતરાવી રે હાં ;
વ્હાલમજી, હું તો મંગળ વરતી છું બે ને ચાર…..બીજાનાં…
રાજસી ભોજન રાણા, જમવાં નથી રે ;
વ્હાલમજી, અમે પ્રેમના ટુકડા માગી ખાશું રે….બીજાનાં…
મોતીની માળા રાણા, કામ ન આવે રે હાં ;
વ્હાલમજી, અમે તુલસીની માળા પહેરી રહીશું રે…..બીજાનાં…
હીર તણાં ચીર મારે, કામ ન આવે રે હાં ;
વ્હાલમજી, અમે ભગવાં પહેરીને નિત્ય ફરશું રે…..બીજાનાં…
બાઇ મીરાં કે પ્રભુ ગિરિધર નાગર હાં ;
વ્હાલમજી, હું તો તમને ભજીને થઇ છું ન્યાલ રે…..બીજાનાં…
Entry filed under: કવિતા. Tags: .
1.
Neela Kadakia | November 20, 2006 at 11:09 pm
સુંદર ભજન છે.
2.
વિવેક | November 21, 2006 at 12:03 pm
મીરાં આપણી સર્વકાલીન શ્રેષ્ઠ કવયિત્રી છે… જાતને સોંપી દીધા વિના આ શબ્દો કદી નહીં સંભવે…
3.
nilam doshi | November 24, 2006 at 3:22 pm
very nice.amit,do u have some more poems of radha -krishna?if yes….can u send it to me?or u can put on yr site.thanks