તો જાણું ! - સુરેશ દલાલ. Suresh Dalal.
December 30, 2006
મારી ગાગર ઉતારો તો જાણું
કે રાજ, તમે ઊંચક્યો ’તો પ્હાડને !
હું તો ઘરે ઘરે જઇને વખાણું
કે રાજ, તમે ઊંચક્યો ’તો પ્હાડને !
આખો દી વાંસળીને હાથમાં રમાડો કહાન !
એમાં શા હોય ઝાઝા વેતા ?
કાંટાળી કેડી પર ગાગર લઇને અમે
આવતાં, જતાં ને સ્મિત દેતાં.
હું તો વ્હેતી જમુનાને અહીં આણું :
મારી ગાગર ઉતારો તો જાણું,
કે રાજ, તમે ઊંચક્યો ’તો પ્હાડને !
ડચકારા દઇને દઇને ગાયો ચરાવવી
ને છાંય મહીં ખાઇ લેવો પોરો.
ચપટીમાં આવું તો કામ કરી નાખે
અહીં નાનકડો ગોકુળનો છોરો.
ફરી ફરી નહીં આવે ટાણું :
મારી ગાગર ઉતારો તો જાણું,
કે રાજ, તમે ઊંચક્યો ’તો પ્હાડને !
Entry Filed under: કવિતા. .
5 Comments Add your own
Leave a Comment
Some HTML allowed:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>
Trackback this post | Subscribe to the comments via RSS Feed
1.
Harish Dave | December 31, 2006 at 9:02 am
A classic song, by all means!
Harish Dave Ahmedabad
2.
bansinaad | December 31, 2006 at 11:58 am
અમિતભાઇ,
આ મારું ખુબ ગમતાં ગીતોમાંનું એક છે. સાંભળવાની ખુબ ઇચ્છા છે.
શબ્દો વાંચીને એમ કલ્પના કરી કે જાણે બંસરી વગાડી ને કાનો એમ કહેતો ન હોય કે આ બંસીનાદ ના સ્વર જ મદમસ્ત બનેલી ગોપીઓની ગાગર ઉતરાવશે.
જય
3.
shivshiva | December 31, 2006 at 3:50 pm
હંસા દવે ગાયેલું આ ગીત મારી પાસે છે.
4.
સુરેશ જાની | December 31, 2006 at 7:07 pm
મારું પણ બહુ જ ગમતીલું ગીત
5.
manvant | December 31, 2006 at 9:36 pm
aa geet kone naa game ?
aabhaar Amitbhai……manvani132@yahoo.com