પહેલી પહેલી વાર… - નિનાદ અધ્યારુ.
પહેલી પહેલી વાર કર્યો છે ;
હા, અમે પણ પ્યાર કર્યો છે.
આર કર્યો છે, પાર કર્યો છે ;
આંખોનો ઉદ્ધાર કર્યો છે.
પ્રેમમાં એના બોળી-બોળી,
દિલનો તારે-તાર કર્યો છે.
મેં કહી દીધું બધ્ધું એને,
એણે પણ એકરાર કર્યો છે.
ઊંડા ઊંડા જખ્મો દીધા,
ને કહે છે ઉપચાર કર્યો છે !
એમ જુએ એ મારી સામે,
જાણે કે ઉપકાર કર્યો છે !
‘નિનાદ’ બીજું તો શું જોઇએ ?
યાર જેવો મેં યાર કર્યો છે !
19 comments February 15, 2007
