જિંદગીમાં - જયંત વસોયા.
પહોંચે ભલેને ગમે તે સદીમાં,
કશો ફેર પડશે નહીં આદમીમાં.
નથી રંજ અંધારનો પણ હવે તો -
ઘણો પંથ ભટકી ગયા ચાંદનીમાં !
તમે ક્યા મુકામે અમોને ઉપાડ્યા ?
ન નેકીમાં જીવ્યા અમે ના બદીમાં,
કશું ભેદ જેવું રહેશે નહીં પણ,
હશે જો અસર તુજ દુવા બંદગીમાં !
અલંકાર પણ આવરણ થઇ જવાનાં -
ખરું રૂપ શોભે સહજ સાદગીમાં,
જગતમાં અગર ના મહોબ્બત રહે તો,
નથી જિંદગી જેવું કૈં જિંદગીમાં !
1 comment February 20, 2007
