કેમ છે ? :: ધ્રુવ ભટ્ટ
July 20, 2008
ઓચિંતું કોઇ મને રસ્તે મળે ને કદી ધીરેથી પૂછે કે કેમ છે,
આપણે તો કહીએ કે દરિયા શી મોજમાં ને ઉપરથી કુદરતની રહેમ છે.
ફાટેલા ખિસ્સાની આડમાં મૂકી છે અમે છલકાતી મલકાતી મોજ
એકલો ઊભું ને તોય મેળામાં હોઉં એવું લાગ્યા કરે છે મને રોજ,
તાળું વસાય નહીં એવડી પટારીમાં આપણો ખજાનો હેમખેમ છે,
અને ઉપરથી કુદરતની રહેમ છે.
આંખોમાં પાણી તો આવે ને જાય નથી ભીતર ભીનાશ થતી ઓછી,
વધઘટનો કાંઠાઓ રાખે હિસાબ નથી પરવા સમંદરને હોતી.
સૂરજ તો ઊગે ને આથમીયે જાય મારી ઉપર આકાશ એમનેમ છે
અને ઉપરથી કુદરતની રહેમ છે.
Entry Filed under: કવિતા. .
4 Comments Add your own
Leave a Comment
Some HTML allowed:
<a href="" title=""> <abbr title=""> <acronym title=""> <b> <blockquote cite=""> <cite> <code> <pre> <del datetime=""> <em> <i> <q cite=""> <strike> <strong>
Trackback this post | Subscribe to the comments via RSS Feed
1.
pragnaju | July 22, 2008 at 12:21 am
સૂરજ તો ઊગે ને આથમીયે જાય મારી ઉપર આકાશ એમનેમ છે
અને ઉપરથી કુદરતની રહેમ છે.
આ પંક્તી ગમી
યાદ આવ્યું
“તમે પૂછશો નહી કે અમને કેમ છે,
અમે સારા છીએ એ તમારો વહેમ છે,
બરબાદ તો થઈ ગયા હતા તમારા પ્રેમમા,
પણ થોડો અમારા પર ખુદાનો રહેમ છે.”
2.
jayeshupadhyaya | July 22, 2008 at 12:10 pm
સૂરજ તો ઊગે ને આથમીયે જાય મારી ઉપર આકાશ એમનેમ છે
અને ઉપરથી કુદરતની રહેમ છે.
સરસ પંક્તી
3.
Neela | September 14, 2008 at 12:48 pm
ઓચિંતું કોઇ મને રસ્તે મળે ને કદી ધીરેથી પૂછે કે કેમ છે,
આપણે તો કહીએ કે દરિયા શી મોજમાં ને ઉપરથી કુદરતની રહેમ છે.
જો કાવ્યની શરુઆત સરસ હોય તો આગળ વાંચવાની મઝા આવે તેવી રીતે આ કાવ્યની શરુઆત સુંદર છે તો વાંચવાની મઝા આવી ગઈ.
4.
dineshjk | October 23, 2008 at 6:11 pm
ઓચિંતુ કોઇક પુછે તો પણ જવાબ તો એકજ…. સારું છે… કે પછી…. એય ને લીલાલહેર ને કાળી બળતરા…… જો કે, ધ્રુવભાઇને તો મળીએ ત્યારે તે કવિતામાં જે કહે છે તે જ જવાબ મળે….