રાખનાં રમકડાં – અવિનાશ વ્યાસ.
જુલાઇ 28, 2006 at 6:30 પી એમ(pm) 3 comments
અવિનાશ વ્યાસ. ( 21-07-1911 : 20-08-1984 )
રાખનાં રમકડાં,
મારા રામે રમતાં રાખ્યાં રે;
મૃત્યુલોકની માટી માથે માનવ કહીને ભાખ્યાં રે.
… રાખનાં રમકડાં.
બોલે ડોલે રોજ રમકડાં, નિત નિત રમત્યું માંડે,
આ મારું આ તારું કહીને એકબીજાને ભાંડે રે.
… રાખનાં રમકડાં.
હે…કાચી માટીની કાયા માથે
માયા કેરા રંગ લગાયા.
ઢીંગલા ઢીંગલીએ ઘર માંડ્યાં, ત્યાં તો વીંઝણલા વીંઝાયા રે !
… રાખનાં રમકડાં.
અંત અનંતનો તંત ન તૂટ્યો, ને રમત અધૂરી રહી,
તનડા ને મનડાની વાતો આવી તેવી ગઇ !
… રાખનાં રમકડાં.
Entry filed under: કવિતા.
અમીઝરણું... 
1.
shivshiva | જુલાઇ 29, 2006 પર 11:49 એ એમ (am)
અમારા જમાનામાં આ ગીતે ધૂમ મચાવી હતી.
નીલા
2.
manvant | ઓગસ્ટ 4, 2006 પર 8:33 પી એમ(pm)
રાખનાં રમકડાં માનવી ! અંત કે અનંત ?
કાચી માટીની કાયા ! માયાનો રંગ !
રમકડાં ! અધૂરી રમત્યું ! વાહ અવિનાશ !
શિવશિવ ” નીલાબહેન” છે તેની હવે ખબર પડી.
મંગળફેરા અને ગુણસુંદરી યાદ આવ્યાં ને ?
અને અલબેલા?મેંદી રંગ લાગ્યો ?આભાર !
3.
SV | ઓગસ્ટ 6, 2006 પર 5:55 પી એમ(pm)
Was looking for a complete version. Thanks for posting.