વર્ષામંગલ – કૃષ્ણલાલ મો. શ્રીધરાણી.

કૃષ્ણલાલ મો. શ્રીધરાણી ( 16-09-1911 : 23-07-1960 )

અંધારી રાતમાં વાદળી ટબૂકે,
         માંહી માંહી વીજળી વાંકી વળે,
ટાઢા શરીરના એકલ આવાસમાં,
         ઉરની પારેવડી આજ કકળે.

ફાટ ફાટ થાતાં સામાં સરોવર,
         નદીઓનાં નીરમાં ધોધવા દડે;
દિલના દરિયાવની માઝા મુકાણી,
         કોળ્યાં કદંબ બે હેલે ચડે !

આજ અભિસાર શો વર્ષાએ આદર્યો,
         વાદળે વાદળે પગ આથડે;
અંગ અંગમાંથી ઊઠે અવાજ શો,
         અંતરના બેટમાં પડઘા પડે.

પાંદડે પાંદડે વિજોગની વાતડી,
         નેવલે નેવલે આંસુ ઢળે !
ઊંચેરા ગોખમાં વેણી સમારતી,
         મનડાનું માનવી ક્યારે મળે ?

Advertisements