એક જ દશાનાં દૃશ્ય – બરકત વિરાણી ‘બેફામ’

ઓક્ટોબર 7, 2006 at 9:39 પી એમ(pm) 4 comments

એક જ દશાનાં દૃશ્ય બે આંખો ને તીર છે;
એમાં જ પ્યાસ છે અને એમાં જ નીર છે.

દેખાવમાં તો હાથની થોડી લકીર છે;
પણ એ જીવનની જાળના સૌએ અસીર છે.

ચંચળ નજરનાં એમ તો બેચાર તીર છે;
પણ તારું તીર એ જ છે જે દિલમાં સ્થિર છે.

દુઃખ એ જ છે કે કોઇ અહીં હમસફર નથી,
નહિ તો આ રાહના તો ઘણા રાહગીર છે.

કોઇ મને પછાડવા કોશિશ કરો નહીં,
જેને હજાર હાથ છે એ દસ્તગીર છે.

ફેલાવવા ન દેશો કદી હાથ એમને,
રાખે છે મુઠ્ઠી બંધ એ સાચા ફકીર છે.

ફાડું છું એક વસ્ત્ર, વણી લઉં છું હું બીજું,
મારામાં એક કૈસ છે તો કબીર છે.

જગને બતાવવામાં હવે રસ નથી મને
પહેલાં હતું જે એ જ હજી પણ ખમીર છે.

પ્રીતિની એ જ સાચી પીડા હોવી જોઇએ,
એ આવશે નહીં ને છતાં મન અધીર છે.

ભટકી રહી છે રૂહ તો એની ગલી મહીં,
’બેફામ’ જે કબરમાં છે એ તો શરીર છે.

Advertisements

Entry filed under: ગઝલ.

હે તને જાતાં જોઇ પનઘટની વાટે – અવિનાશ વ્યાસ. મૌન – ડૉ. નીલેશ રાણા.

4 ટિપ્પણીઓ Add your own

  • 1. manvant  |  ઓક્ટોબર 8, 2006 પર 2:34 એ એમ (am)

    દૃશ્ય જોડણી કરવા વિ. છે…..’દ્ર…નથી

    પસંદગી સરસ છે.આભાર !

    જવાબ આપો
  • 2. સુરેશ જાની  |  ઓક્ટોબર 8, 2006 પર 8:13 પી એમ(pm)

    ભટકી રહી છે રૂહ તો એની ગલી મહીં,
    ’બેફામ’ જે કબરમાં છે એ તો શરીર છે.

    બરાબરનો ‘બેફામ’ !!
    દસ્તગીરનો અર્થ ?!

    જવાબ આપો
  • 3. amit pisavadiya  |  ઓક્ટોબર 8, 2006 પર 9:03 પી એમ(pm)

    સુરેશ દાદા,
    અહીં મને જે સમજાયુ તે મુજબ જણાવુ છુ .

    કોઇ મને પછાડવા કોશિશ કરો નહીં,
    જેને હજાર હાથ છે તે ખુદા દસ્તગીત ( અધિકારી) છે.

    દસ્તગીર – જે ને અધિકાર હોય તે ( અહીં) .

    જવાબ આપો
  • 4. dipankar naik  |  ઓક્ટોબર 12, 2006 પર 6:46 એ એમ (am)

    thanks, amit. this was really good, especially the “makta”.

    dipankar.

    જવાબ આપો

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

Trackback this post  |  Subscribe to the comments via RSS Feed


મને ગમતાં કાવ્યોનું અમી ઝરણું

મિત્રગણ

  • 217,803 અમીનજરું

દિવસવાર ટપાલ

ઓક્ટોબર 2006
સોમ મંગળ બુધ ગુરુ F શનિ રવિ
« સપ્ટેમ્બર   નવેમ્બર »
 1
2345678
9101112131415
16171819202122
23242526272829
3031  

%d bloggers like this: