મૌન – ડૉ. નીલેશ રાણા.
ઓક્ટોબર 8, 2006 at 10:45 પી એમ(pm) 6 comments
મૌન કહો તો એક શબ્દ છે : આમ જુઓ તો વાણી.
આભથી જુઓ બરફ પડે છે ને પળમાં વહેતું પાણી.
જળની કુંડળી પરપોટામાં
શાને જાય સમાઇ ?
પથ્થરમાંથી ઝરણું ક્યાંથી
પ્રકટે એ જ નવાઇ ?
નદી, સરોવર, સમદર, જળની જૂજવી હોય કહાણી.
મૌન કહો તો એક શબ્દ છે : આમ જુઓ તો વાણી.
રેતી પર એક નામ લખું
રે ! પવન ભૂંસાતો જાય,
જળમાં તારું નામ લખું તો
તરંગમાં લહેરાય !
રહસ્ય પછી આ જિંદગી જોને બેઠી ઘૂંઘટ તાણી.
મૌન કહો તો એક શબ્દ છે : આમ જુઓ તો વાણી.
Entry filed under: કવિતા.
અમીઝરણું... 
1.
manvant | ઓક્ટોબર 9, 2006 પર 1:56 એ એમ (am)
મૌન કહો તો એક શબ્દછે આમ જુઓ તો વાણી
સુન્દર ભાવ છે……………………આભાર……….
2.
nilam doshi | ઓક્ટોબર 9, 2006 પર 1:34 પી એમ(pm)
આમ જુઓ તો શબ્દ અને આમ જુઓ તો વાણી! !સુન્દર.જો આપણે મૌન સાંભળી શકીએ તો જ.મૌન ની ભાષા ઉકેલવી અઘરી નથી.જો……..
3.
Urmi Saagar | ઓક્ટોબર 9, 2006 પર 8:16 પી એમ(pm)
Very well said…. a perfact definition of ‘maun’!!
Nice kavita!
4.
dhavalrajgeera | ઓક્ટોબર 10, 2006 પર 6:34 એ એમ (am)
No words at time is the best to express the feeling.
Mounam Sarvarth Sadhanam !
THE PERFECT DEFINATION OF MAUN !!
Thanks to AMI ZARANU BLOGER AND POET.
Rajendra Trivedi, M.D.
5.
વિવેક | ઓક્ટોબર 10, 2006 પર 2:51 પી એમ(pm)
મજાનું ગીત…
6.
shivshiva | ઓક્ટોબર 11, 2006 પર 9:45 એ એમ (am)
નામ લખી લખીને થાકી જઈશ