Archive for ડિસેમ્બર 21, 2006

ભ્રમણા – ડૉ. નીલેશ રાણા

વૃક્ષોની ડાળી કે ઘરની ફૂલદાની
                        ફૂલોનું કરમાવું એક.
નજરું ભલે હોય તારે કે મારી
                        આંખોનું ભરમાવું એક.

ધુમ્મસિયા સૂરજના થીજેલા અજવાળે
                        ઝરણાં વહે બની ભ્રમણા,
હાથમાં હાથ ભલે ઓગળતા હોય
                        તોય નંદવાયાં રૂપાળાં સમણાં.
પાંપણમાં આંસુ રોક્યાં રોકાય નહીં
                         ટપકે છે એક પછી એક.

હથેળીમાં અંકાતી વંકાતી રેખાઓ
                        મારે હાંસિયામાં જીવવાનું કેમ ?
ઇશ્વરની આંગળીઓ પીંછીએ થાય
                        તોય રંગો ના કેમ હેમખેમ ?
વલોવ્યા છો ભીતરમાં ઓળખના મેરુ
                         થાય ના પાણી-પ્રતિબિંબ કદી એક.

ડિસેમ્બર 21, 2006 at 11:04 પી એમ(pm) 3 comments


મને ગમતાં કાવ્યોનું અમી ઝરણું

મિત્રગણ

  • 261,306 અમીનજરું

દિવસવાર ટપાલ

ડિસેમ્બર 2006
સોમ મંગળ બુધ ગુરુ F શનિ રવિ
 123
45678910
11121314151617
18192021222324
25262728293031