લાગે છે – સૈફ પાલનપુરી.
ફેબ્રુવારી 21, 2007 at 11:53 પી એમ(pm) 4 comments
એ રીતે તમારાં સ્વપ્નોમાં અંધકાર મનોહર લાગે છે ;
જે રીતે કો સુંદર નયનોમાં કાજલ અતિ સુંદર લાગે છે.
નયનોને જે સુંદર લાગે છે, દિલને જે મનોહર લાગે છે ;
કિસ્મતના ગજાથી એ વસ્તુ, હંમેશ મને પર લાગે છે.
સંજોગ હિમાલય જેવા છે બરબાદ મુકદ્દર લાગે છે,
અંતરને છતાં તુજ અંતરથી બહુ થોડું અંતર લાગે છે.
સૌ કે’છે હજી હું ભટકું છું, દિલ કે’છે કે મંજિલ આવી ગઇ,
જે દ્વાર ઉપર જઇ પહોંચું છું – મારું જ મને ઘર લાગે છે.
વિખરાઇ હશે કોઇની લટો એથી જ તો ખુશ્બુ છે ચોગમ,
આ બાગ-બગીચા મસ્ત પવન ચિઠ્ઠીના ચાકર લાગે છે.
ઓ ફૂલને નાજુક કહેનારા, કંઇ મારાં દુઃખોની રાખ ખબર,
હું સ્મિત ફરકાવું છું – તો ચોટ હ્રદય પર લાગે છે.
બદનામ છે પથ્થર દુનિયામાં, મેં જાણ્યું તમારા વર્તનથી,
ક્યારેક જીવનના મારગ પર ફૂલોનીય ઠોકર લાગે છે.
જો મોત મળે ભરયૌવનમાં, તો શોક ન કરજો ‘સૈફ’ ઉપર,
રંગીન નશીલી મોસમમાં હર ચીજ સમયસર લાગે છે.
Entry filed under: ગઝલ.
1. Bansinaad | ફેબ્રુવારી 22, 2007 પર 11:07 એ એમ (am)
[…] અમીઝરણું પર વાંચો ‘લાગે છે’ […]
2.
Neela Kadakia | માર્ચ 2, 2007 પર 9:17 એ એમ (am)
મને લાગે છે
અમીત ગુમ થઈ ગયો
3.
Miheer shah | એપ્રિલ 4, 2007 પર 6:30 પી એમ(pm)
ANOTHER GOOD ONE BY SAIF PALANPURI
CHHE GHANA AEVA KE JEO YUG NE PALTAVI GAYA
PAN BAHUJ OCHHA CHEE JEO PREM MA FAVI GAYA
SAIF AATAJI KABAR PAR NAAM TO MARUJ CHEE
PAN UTAVAL MA AA LOKO KONE DAFNAVI GAYA
4.
sohel momin | ઓગસ્ટ 22, 2007 પર 1:27 પી એમ(pm)
tane malu hase te j divas thi dard
jayar thi duniyani sharuatt thayi hase