Archive for ઓગસ્ટ 30, 2008

જીવન :: કિરીટ ગોસ્વામી

જીવન, પળ પળ બદલે રૂપ…
એ જ નથી સમજાતું
            એનું સાચું કિયું સ્વરૂપ ?

આંસુભીની એક ઘડી
            તો બીજી ઉત્સવ સરખી !
રોજ ખુલે સંજોગ નામની
            અણધારી જ ચબરખી !

લાખ સવાલો ઘૂંટ્યા કરતું મન આ, બેઠું ચૂપ !
            જીવન, પળ પળ બદલે રૂપ…

કોઇ ઉખાણું માની બૂજે,
            કોઇ સફર કહી ચાલે !
કોઇ વળી, બેપરવા નખશિખ –
            નિજમસ્તીમાં મ્હાલે !

રૂપ હજારો જોઉં નિરંતર, અંતે તોય અરૂપ !
            જીવન, પળ પળ બદલે રૂપ…

ઓગસ્ટ 30, 2008 at 8:03 પી એમ(pm) 2 comments


મને ગમતાં કાવ્યોનું અમી ઝરણું

મિત્રગણ

  • 280,424 અમીનજરું

દિવસવાર ટપાલ

ઓગસ્ટ 2008
સોમ મંગળ બુધ ગુરુ F શનિ રવિ
 123
45678910
11121314151617
18192021222324
25262728293031