હર ચીજમાં :: સુધીર પટેલ
સપ્ટેમ્બર 9, 2008 at 1:05 પી એમ(pm) 8 comments
એ મને દેખાય છે હર ચીજમાં,
જેમ જોઉં વૃક્ષ કોઇ બીજમાં !
એ જ તો મલકાય મારી રીઝમાં,
એ વિલાતા એ જ સઘળી ખીજમાં.
એ જ ઝૂલે છે બધે શ્રધ્ધા રૂપે
કોઇ માદળિયે કે કો’ તાવીજમાં ?
જાતને મળવા હું મથતો હોઉં છું
એને મળવાની બધી તજવીજમાં !
એટલે લાગે ગઝલ વ્હાલી ‘સુધીર’
એ સદા લઇ જાય અમને નિજમાં.
Entry filed under: ગઝલ.
અમીઝરણું... 
1.
pragnaju | સપ્ટેમ્બર 9, 2008 પર 6:22 પી એમ(pm)
સરસ રચના
એટલે લાગે ગઝલ વ્હાલી ‘સુધીર’
એ સદા લઇ જાય અમને નિજમાં.
સૌની અનુભૂતિ
2.
preetam lakhlani | સપ્ટેમ્બર 9, 2008 પર 9:42 પી એમ(pm)
Beautiful Gazal……..There is no ? for your Gazal.
3.
Pravin Shah | સપ્ટેમ્બર 10, 2008 પર 10:21 એ એમ (am)
જાતને મળવા હું મથતો હોઉં છું
એને મળવાની બધી તજવીજમાં !
સુંદર વાત કહી.
અભિનંદન સુધીરભાઇ
આજે આપણા સુધીરભાઇની બીજી એક ગઝલ-
કૈંક કર ! મારા બ્લોગ પર વાંચો-
http://www.aasvad.wordpress.com
thanks,
P Shah
4.
Neela | સપ્ટેમ્બર 14, 2008 પર 12:56 પી એમ(pm)
પહેલા જ કહ્યું કે જે કાવ્યની શરૂઆત સારી હોય તો વાંચવી ગમે.
5.
jayeshupadhyaya | સપ્ટેમ્બર 14, 2008 પર 6:51 પી એમ(pm)
એ જ ઝૂલે છે બધે શ્રધ્ધા રૂપે
કોઇ માદળિયે કે કો’ તાવીજમાં ?
જાતને મળવા હું મથતો હોઉં છું
એને મળવાની બધી તજવીજમાં
સરસ રચના આ બે શેર વધુ ગમ્યા
6.
manvantpatel | સપ્ટેમ્બર 17, 2008 પર 2:53 એ એમ (am)
તમે જ સદા લઇ જાઓ અમને નિજમાં !
7.
razia | સપ્ટેમ્બર 26, 2008 પર 5:16 પી એમ(pm)
એ જ ઝૂલે છે બધે શ્રધ્ધા રૂપે
કોઇ માદળિયે કે કો’ તાવીજમાં ?
સુંદર ગઝલ
8.
Kirtikant Purohit | ઓક્ટોબર 25, 2008 પર 7:26 પી એમ(pm)
A gazal with beauty and thought. Congrats.
..Kirtikant Purohit