Archive for ડિસેમ્બર, 2008

યાદ નો સંગાથ :: આહમદ મકરાણી.

heart1

રંગ  જોયો –  રાગ  જોયો  ને  મને  ના ;
ફૂલ  જોયાં,   બાગ  જોયો  ને  મને  ના.

ઊંબરે  ઊભો  હતો  વરસો  લગી   હું ;
રેખ  જોઇ,   હાથ  જોયો  ને  મને  ના.

ડાઘ  લૈ  કેવા  અહીં  ફરતો  રહ્યો  છું ;
વસ્ત્ર  જોયા,   ઘાટ  જોયો  ને  મને  ના.

જિંદગીભર   ઝંખના  કરતો   રહ્યો  છું ;
શ્વાસકેરો   સાથ   જોયો   ને   મને  ના.

આ મિલનનો  પણ  અહીં  ઉત્સાહ  ક્યાં  છે !
યાદનો   સંગાથ   જોયો   ને   મને   ના.

Advertisements

ડિસેમ્બર 21, 2008 at 8:04 પી એમ(pm) 3 comments

ગઝલ બને :: આહમદ મકરાણી.

scan0002

દિલ અમારું કોઇ તોડે તો ગઝલ બને ;
છાતી ઉપર ક્રોસ ખોડે તો ગઝલ બને.

મસ્ત્ય માફક જિંદગી અવકાશમાં ફરે ;
કોઇ તાતાં તીર છોડે તો ગઝલ બને.

હોય સૂતા સોડ ઓઢી મૌન-પીર તો-
શબ્દશ્રીફળ કોઇ ફોડે તો ગઝલ બને.

સાવ સીધાં ને સરલ મોજાં નથી ગઝલ ;
જાતને ઊંડે ડૂબાડે તો ગઝલ બને.

છે ઇબાદત, બંદગી, બંદાતણું નમન ;
ઇશ સાથે જાત જોડે તો ગઝલ બને.

269023845_734160d0a3_o

તેમના પરિચય માટે અહીં ક્લીક કરો…

તેમનો નવો ગઝલ સંગ્રહ ‘તું લખ ગઝલ’
મેળવવા અહીં સંપર્ક કરો…

શ્રી આહમદ મકરાણી,
‘મા મરિયમ મંઝિલ’
ગુરુનાનક શેરી,
સિંધી માર્કેટ પાસે,
ઉપલેટા : 360490
મો.: 98792 47509.

ડિસેમ્બર 7, 2008 at 3:56 પી એમ(pm) 11 comments

વિરાસત ફૂલની :: મીરા આસીફ.

ગત મહિને અમો એ શબ્દલોકમાં 
ભાવનગરનાં કવિશ્રી મીરા આસિફ ને માણ્યાં હતાં…

ચિત્રમાં – જમણીબાજુથી શ્રી રાણીંગાસાહેબ, આમંત્રિતમહેમાન શ્રી મીરા આસિફ અને
શ્રી મકરાણી સાહેબ તથા રસિક શ્રોતાગણ…
1

કેમ સમજાવું નજાકત ફૂલની ?
યાદની મોસમ ઇનાયત ફૂલની !

એમને ઘેરી વળ્યાં કાંટા છતાં,
કેટલી મ્હેકેં વિરાસત ફૂલની !

સ્પર્શવાને વલવલે આઠે પ્રહર,
કેમ કરવી લે હિફાઝત ફૂલની ?

વાત મારી એજ આખર એજ છે,
કોઇના સમજે ઇબાદત ફૂલની !

રોજ જે અણસાર થઇ ખીલ્યા કરે,
એજ તો ગમતી કરામત ફૂલની !

આપણું મળવું હવે મુશ્કેલ છે,
ભીંત જેવી છે અદાવત ફૂલની !

આભાર…

21

ડિસેમ્બર 1, 2008 at 1:27 પી એમ(pm) 6 comments


મને ગમતાં કાવ્યોનું અમી ઝરણું

મિત્રગણ

  • 221,789 અમીનજરું

દિવસવાર ટપાલ

ડિસેમ્બર 2008
સોમ મંગળ બુધ ગુરુ F શનિ રવિ
« નવેમ્બર   જાન્યુઆરી »
1234567
891011121314
15161718192021
22232425262728
293031