ચર્ચામાં નથી હોતી – ‘આસિમ’ રાંદેરી
October 15, 2006 at 10:01 pm 7 comments
આસિમ રાંદેરી ( મહમૂદમિયાં મોહંમદ ઇમામ સૂબેદાર )
પ્રશંસામાં નથી હોતી કે નિંદામાં નથી હોતી;
મજા જે હોય છે ચુપમાં, તે ચર્ચામાં નથી હોતી.
દયામાં પણ નથી હોતી, દિલાસામાં નથી હોતી,
કહે છે જેને શાંતિ દિલની, દુનિયામાં નથી હોતી.
ગુલાબી આંખની રંગીની શીશામાં નથી હોતી;
નજરમાં હોય છે મસ્તી તે મદિરામાં નથી હોતી.
મજા ક્યારેક એવી હોય છે જે એક ‘ના’ માં પણ,
અનુભવ છે કે એવી સેંકડો ‘હા’ માં નથી હોતી.
જઇને તૂર ઉપર એમણે સાબિત કરી દીધું,
કે આદમ જેટલી હિંમત ફરિસ્તામાં નથી હોતી.
તમારી આ યુવાનીની બહારો શી બહારો છે !
બહારો એટલી સુંદર બગીચામાં નથી હોતી.
અરે આ તો ચમન છે, પણ યદિ વેરાન જંગલ હો,
કહો જ્યાં જ્યાં તમે હો છો મજા શામાં નથી હોતી ?
મોહબ્બત થાય છે પણ થઇ જતાં બહુ વાર લાગે છે,
મોહબ્બત ચીજ છે એવી જે રસ્તામાં નથી હોતી.
ગઝલ એવીય વાંચી છે અમે ‘લીલા’ની આંખોમાં,
અલૌકિક-રંગમય જે કોઇ ભાષામાં નથી હોતી.
અનુભવ એ ય ‘આસિમ’ મેં કરી જોયો છે જીવનમાં,
જે ઊર્મિ હોય છે તાપીમાં, ગંગામાં નથી હોતી.
Entry filed under: ગઝલ. Tags: .
1.
manvant | October 15, 2006 at 11:22 pm
ચર્ચીને બદલ્ર ચર્ચા ન હોઇ શકે ?
કહો જયાં જ્યાં તમે હો છો………મજા શામાં નથી હોતી ?
હેં અમિતભાઈ ?….સુન્દર શોધ છે.
2.
સુરેશ જાની | October 16, 2006 at 4:33 pm
મને બહુ જ ગમતી ‘આસીમ’ ની ગઝલ .
મ.ઉ.એ ગાયેલી છે. – ‘આકાર’ આલ્બમમાં.
આખી ગઝલ આપવા માટે આભાર.
3.
જતન પોરેચા | March 26, 2007 at 11:31 pm
આસિમ રાંદેરી નો તાપી પ્રેમ મને ખુબ ગમે છે. તેમાં એક પોતિકુંપણું જણાય છે. હું મનહર ઉધાસ નો ઋણી છું કે એમણે આવા સમર્થ શાયર ની ગઝલો નો પરીચય કરવ્યો.
4.
Miheer shah | March 28, 2007 at 3:21 pm
I love ghazals
5.
Miheer shah | March 29, 2007 at 4:50 pm
Fakat ae lok ne arpan chee dil maru kala mari
Ghazal Vanchan vina samjhe chee jeo vedna mari
6.
Balkrushna tiwari | November 19, 2011 at 8:45 am
bhai koi ne pase “fakat e lok ne arpan ” ghazal hoy to upload karso?
i am keen to listen that ghazal..pl. pl. pl………………..
krishna
7.
amitpisavadiya | November 20, 2011 at 5:49 pm
which one ?